Gutenberg Club Kraków

Запрашаем на маляванне з натуры

📍 Дзе: выдавецтва «Гутэнберг» (Łobzowska 15/15)
🕛 Калі: 20 чэрвеня а 12:00

Што вас чакае:
•Паўтары гадзіны малявання чалавека з натуры.
•Творчая атмасфера
•Магчымасць пазназнаёміцца з іншымі мастакамі.
•Музыка, гарбата, кава і смаколікі

Узровень маляваяння значэння не мае. Галоўнае — жаданне. 

Бярыце любімыя матэрыялы, паперу і прыходзьце!

Уваход вольны, данат вітаецца.

Калі што, мы на сувязі ў суполцы.

❤️ «Як і навошта сёння пісаць кнігі?» Сустрэча з Сашам Філіпенкам у Кракаве

🗓 Калі і дзе: 16.06 (аўторак), 19:00 – 21:00, Прастора (ul. Mikołajska 4/6)
➡️ https://ticketbest.eu/performances/738?locale=ru

Запрашаем на адкрытую размову пра ролю літаратуры тут і цяпер, калі рэальнасць усё больш нагадвае антыўтопію

Саша Фiлiпенка — пісьменнік у эміграцыі. Яго тэксты шчырыя і часта нязручныя. Але ён працягвае пісаць, бо перакананы: нават у самых абсурдных абставінах у чалавека застаецца выбар. Часам вельмі малы, але вырашальны

ℹ️ На сустрэчы пагаворым пра тое, навошта сёння пісаць і чытаць, як змяняецца мова пад ціскам і што адбываецца з тэкстам, калі яго спрабуюць прымусіць маўчаць

Вы зможаце задаць пытанні аўтару і атрымаць яго аўтограф. Прывязём раман «Вяртанне ў астрог», які выйшаў гэтай вясной па-беларуску. І, вядома, будзе і забаронены у Беларусi «Слон»

Прыходзьце, калі вам таксама важна не толькі «што адбываецца», але і «як пра гэта гаварыць».

Сябры!

Даўно мы не сустракалiся, а тут акурат выдатная нагода - найцікавейшая лекцыя
«Тры факты аб беларускім Кракаве»
ад https://t.me/belRead 🔍

📍 Факт №1:
Першая згадка «Белых Русінаў» была надрукавана ў 1516 годзе ў бровары на вул. Св. Ганны.
📍 Факт №2:
«Песня пра зубра» упершыню ўбачыла свет ў абарончай вежы на Казімежы.
📍 Факт №3:
За 26 гадоў да Скарыны ў Кракаве ўжо друкавалі «нашым» шрыфтам.

Хочаце пабачыць гэтыя месцы на мапе, даведацца больш і задаць пытанні? 🤔 Тады чакаем вас!

Усiх гасцей, як заўсёды, чакаюць кава-гарбата-віно і іншыя пачастункі.

🗓 25 красавіка, субота, 16-00
🏠 Łobzowska 15-15
( дамафон 15, апошнi паверх)

Уваход: вольны данат

👨‍🏫 Квіз «Чарнобыль 40: навука і памяць»

Вас чакаюць пытанні з розных галінаў навукі па-беларуску — ад фізікі і хіміі да геаграфіі і мовазнаўства. Прыходзьце, каб паказаць свае веды і пазнаць штосьці новае, а таксама пазмагацца за файныя падарункі

Крэда сустрэчы: памятаць гісторыю, ведаць навуку, мець план на будучыню

🎁 Пераможцаў чакаюць прызы ад студыі керамікі https://www.instagram.com/studio.ceramiki.art.y/ і бібліятэкі https://www.instagram.com/knizny.vyraj/. Усе ўдзельнікі, незалежна ад месца, атрымаюць памятныя падарункі ад партнёраў квізу

Калі і дзе: 25 красавіка (субота), Прастора (ul. Mikołajska 4/6)
⏰ 13:30 — квіз для дзяцей і падлеткаў
⏰ 15:30 — квіз для дарослых

Каманды збіраюцца на месцы, таму прыходзіць можна і паасобку

Удзел: 10 злотых з асобы

➡️ https://docs.google.com/forms/d/1FlWlD925mNKn75IS_zybEdk8Gh3U7IahA6-D0WryKOU/viewform

📕 Прэзентацыя дзіцячай кнігі «Патэ гуляе ў футбол»

Да нас едзе госць з Фінляндыі — перакладчык Юрый Лашкевіч, каб расказаць вам пра надзвычай смешнага фінскага пісьменніка Тыма Парвэла, кніжка якога «Патэ гуляе ў футбол» выходзіць у выдавецтве Gutenberg Publisher

На прэзентацыі мы правядзем кароткі і вельмі просты квіз. Яго пераможца сыдзе дадому з сапраўдным футбольным мячом ⚽️

🗓 Калі і дзе: 15.04 (серада), 18:00 – 19:30, Прастора (ul. Mikołajska 4/6)
Уваход вольны (данаты вітаюцца)

➡️ https://tally.so/r/pb7K98

Ужо друкуецца!
"Дом, у якім..." Марыям Петрасян на гэтым тыдні пайшоў у друк.
На сайце адкрытая перадзамова: традыцыйна па прывабнай цане.
.
Гэта кніга для тых, хто ведае, як гэта: быць не такім, як усе, трапіць у няўтульны свет, поўны загадак і ўласных правілаў.
.
Гэта аммаж вольнай творчасці і вымушанай даросласці.
.
Гэта гісторыя ўнутры гісторыі цэлага пакалення, і цяпер яна загучала па-беларуску.

"Дом, у якім..."
Марыям Петрасян
Пераклад Знадворнага Самазванца
Малюнкі — Ліхтарык і White?Rabbit
Кніга ў цвёрдай вокладцы.

#домуякім #кнігінабеларускаймове

Мы запусцілі кніжныя Blind Бандлы да Дня ўсіх закаханых 💘

Што гэта такое?
Blind Бандл — гэта сакрэтны кніжны набор падабраны пад твой вайб. Рамантыка, драма, іронія, нешта цёплае ці трошкі таямнічае — мы ўжо сабралі ўсё, табе застаецца толькі абраць ✨

📚 Што гэта?
• 3 кнігі-сюрпрызы
• святочнае пакаванне
• картка-паштоўка
• фіксаваная цана

Можна замовіць сабе, бо self-love — гэта важна, а можна камусьці 💞

⚠️ Колькасць Blind Бандлаў абмежаваная.
Замовіць можна ўжо зараз на нашым сайце.

#падарунак #gutenbergpublisher #кнігінабеларускаймове