Праваслаўныя Варшавы: літургія, сустрэчы, стасункі

Шаноўныя сябры, заўтра пасля польскамоўнай літургіі -- лірніцкі канцэрт Сяргея Доўгушава!
Не прапусціце - будуць гучаць духоўныя спевы -- дзедаўскія і прадзедаўскія -- пад традыцыйны беларускі інструмент!
А яшчэ спадар Сяргей збірае сродкі на выданне сваёй кніжкі пра ліру!
Чакаем заўтра!

А вы не забыліся, што ў бліжэйшую нядзелю будзе наступная беларускамоўная літургія?
Сябры, вітаем у новым календарным царкоўным годзе, ну а таксама - школьным!
Мы вяртаемся ўжо цалкам з канікул - пасля набажэнства адбудзецца першая лекцыя ў гэтым сезоне! Яе правядзе Надзея Кахновіч – філалагіня, аспірантка Кафедры беларусістыкі Варшаўскага ўніверсітэта. Тэма: "Годнасць, дастойнасць і дастоінства ў гісторыі беларускай мовы".

Прыходзьце, 13-га верасня - таксама Дзень нараджэння дарагога і любімага патрона нашай капліцы— святога мучаніка Рыгора Перадзэ, прафесара Варшаўскага універсітэта. Дзень памяці святкуем троху пазней, але мы ж за ўсё прэўкраснае :).
Традыцыйна запрашаем па магчымасці браць з сабой да гарбаты/кавы што.
P.s.: нагадваем, ужо заўтра - пачатак царкоўнага года паводле новаюліянскага календара: Раство Багародзінцы! Літургія ў капліцы па-польску а 7-й раніцы

Шаноўныя браты і сёстры, нагадваем, што ўжо заўтра пасля літургіі Аляксандр Ждановіч пакажа батлеечны спектакль "Салдат і чорт". Чакаем вас!

Сябры, чакаем Вас у нядзелю на супольную малітву!

Засталася апошняя дэкада лета, таму пасля супольнай кавы/гарбаты запрашаем усіх жадаючых на супольны пікнік у гарадскім парку.
Як заўсёды - пачастункі да гарбаты вітаюцца :).

Віншуем са святам Успення Багародзіцы!

"Верш. Кляўся Госпад Давіду праўдаю і не адступіцца ад яе: "Ад нашчадкаў тваіх пасаджу на пасадзе тваім".

Пачэснае Тваё ўсьпеньне, Усесьвятая Дзева чыстая, славіць безьліч анёлаў у небе і род людзкі на зямлі, бо Ты – Маці Тварца ўсіх Хрыста Бога. Дзеля гэтага просім Цябе, не пераставай маліцца за нас, бо пасьля Бога мы спадзяемся на Цябе, Багародзіца чыстая, блаславёная." (З усяночнай Успення, пераклад а. Аляксандра (Надсана).

Свята Успення Прасвятой Багародзіцы ў капліцы Св. Рыгора (Перадзэ) 🌿
- Пятніца, 14 жніўня, 18:00 – Усяночнае чуванне,
- Субота, 15 жніўня, 9:00 – Літургія і асвячэнне зёлак і кветак.

І вы ўжо ведаеце, што наступная літургія па-беларуску адбудзецца калі? Так, 23 жніўня, як заўжды а 8-й раніцы.

"Да таго, як Ты, Госпадзе, быў укрыжаваны, гара сталася падобнай да неба, і хмара, быццам шацёр, ацяніла яе. Калі Ты перамяніўся на ёй, і голас Айца засьведчыў аб Табе, там былі прысутныя Пятро і Якуб з Янам – што меліся быць з Табою, калі Цябе здрадліва выдалі, – каб, стаўшыся сьведкамі славы Тваёй, яны не сумеліся, убачыўшы Твае мукі, якім дай і нам у супакоі пакланіцца ў вялікай міласэрнасьці Тваёй." Сціхіра на "Госпадзе, Цябе клічу ...", пераклад а. Аляксандра Надсана.

Браты і сёстры, віншуем вас са святам Праяўлення Госпада! Няхай ласка Ягоная дапамагае праходзіць цяперашнія выпрабаванні 🙏.

У нядзелю, 23 жніўня, а восьмай гадзіне раніцы адбудзецца чарговая літургія на беларускай мове ў капліцы Св. Рыгора (Перадзэ). Да сустрэчы!

Фота: Праяўленне Хрыста, мазаіка ў апсідзе базілікі Сант-Апалінар-ін-Класэ ў Равенне, VI ст.

Шаноўныя сябры,
ужо ў гэтыя выходныя мы святкуем памяць Сабору Беларускіх святых!

✍️ Пасля Боскай літургіі адбудзецца лекцыя Ганны Міхальчук, дактаранткі Інстытута літаратурных даследаванняў Польскай акадэміі навук (Instytut Badań Literackich PAN), на тэму: «Святыя ў беларуска-літоўскім летапісанні XVI ст.».

Прыходзьце! Калі ёсць магчымасць, калі ласка, прыносьце нешта да гарбаты/кавы і саму каву 🥐 ☕️

☝️ У ліпені папярэдне вырашылі зрабіць вакацыі, дакладней — жадаючыя могуць далучыцца да беларускамоўнай літургіі ў іншым месцы (19 ліпеня). Падрабязнасці будуць агучаны падчас набажэнства.

Запрашаем!

Трапар Сабору Беларускіх святых, тон 5:
Ушанаваў Госпад Беларускі край / святымі, што добра дагадзілі Яму:/ свяціцелямі, мучанікамі, прападобнымі і праведнымі,/ якія верна Госпаду паслужылі / і ўзнагароду за подзвіг атрымалі;/ да іх жа і мы ўсклікаем цяпер:/ Госпаду за нас маліцеся, / каб мы ў веры і справах плод добры прынеслі.

Кандак Сабору Беларускіх святых, тон 3:
Божыя ўгоднікі Беларускае зямлі / сёння са спадзяваннем стаяць перад Пасадам Святой Троіцы / і нябачна за нас моляцца Богу і за край наш, / просячы нам міру і вялікай міласці.

Шаноўныя браты і сёстры, віншуем вас са святам Усіх святых, а таксама са святам сабора Холмскіх і Падляшскіх мучанікаў, памяць якіх святкуем сёння з усёй Праваслаўнай царквой Польшчы.
"Дабраславёны Ты, Хрысце Божа наш, Які праславіў мучанікаў зямлі Холмскай і Падляшскай, што перацярпелі дзеля Цябе жорсткія ганенні і мукі, і праз іх у краіне нашай умацавалі святое Праваслаўе. Іхнімі малітвамі, Госпадзе, умацуй у сэрцах нашых адзінства думак і браталюбства, даруй супакаенне свету, умацаванне Царкве і ўсім адпушчэнне грахоў." (Трапар мучанікам).
Нагадваем, што наша наступная літургічная сустрэча 21 чэрвеня ў 08.00 - у гэты дзень будзем святкаваць памяць усіх беларускіх святых.

Вітаем, спадарства,
працягваем святкаваць Пяцідзесятніцу напрацягу ўсяго Троіцкага тыдня.

А ў бліжэйшую нядзелю, 7 чэрвеня (пасля літургіі на польскай мове ў 10.00), адбудзецца паўтор цудоўнага спектакля "Салдат і чорт".
Прыходзьце на малітву і захапляльнае і павучальнае відовішча.

Пачатак спектаклю прыкладна а 12.00 гадзіне ў памяшканні музея ікон, уваход праз капліцу, дзверы з левага боку ля алтара (Lelechowska 5). Чакаем!

"Калі Ўсявышні, зышоўшы, мовы зьмяшаў, Ён разьдзяліў між сабой народы; калі ж паслаў вогненныя языкі, да еднасьці ўсіх паклікаў. Дзеля гэтага мы ўсе згодна славім Усесьвятога Духа."
(Кандак Пяцідзесятніцы, пераклад а. Аляксандра Надсана)

З Пяцідзесятніцай, браты і сёстры!

Няхай Госпад напоўніць нас Сваёй ласкай і дасць моцы на служэнне.

"Споўніўшы тайну Твайго провіду, Ты, Госпадзе, які дзеля мяне стаўся ўбогім, узяў вучняў Тваіх на Аліўную гару і там, узьнёсшыся, прайшоў праз неба і ўвайшоў туды, адкуль ніколі не адлучаўся. Пашлі нам Усесьвятога Твайго Духа, каб Ён прасьвятліў душы нашыя."
(Сціхіра на "Госпадзе, Цябе клічу", пераклад а. Аляксандра Надсана)

Сардэчныя віншаванні з Узнясеннем Госпада!
Ужо неўзабаве, 31 траўня, святкуем свята Пяцідзесятніцы.

Нагадваем пра расклад літургій на беларускай мове ў капліцы Св. Рыгора Перадзэ:
- 21 чэрвеня (дзень беларускіх святых)
- 19 ліпеня
- 23 жніўня.

Фота: Узнясенне з Ілюстраванай Бібліі
Францыя (Сен-Амер, абацтва Святога Берціна), каля 1190–1200 гг.
Гаага, Каралеўская бібліятэка
Рукапіс MS KB 76 F 5, арк. 23v

Хрыстос васкрос! Дзякуй спадару Аляксандру Ждановічу за цудоўны спектакль, усім прысутным за сардэчнасць і ўважлівасць, грамадзе капліцы Св. Рыгора Перадзэ за гасціннасць. Да новых сустрэч!

Сябры, у царкве ўжо прагучала першае Евангелле пра ўвасрэсенне Хрыста падчас Вячэрні Вялікай суботы.

Мы віншуем Вас і вашых блізкім з гэтам Святам усіх святаў! Дзякуй што мы разам!

Мы абвяшчаем велікодны распродаж нашага Велікоднага альбома!

💌 ад 40 PLN (~10 EUR) — паштоўка з вокладкай альбома
🎶 ад 80 PLN (~20 EUR) — паштоўка + флэшка
Вышлем поштай (усе персанальныя дадзеныя пад аховай паводле заканадаўства ЕС, не ўжыываюцца для іншых мэтаў як пасылка)! Па-за Польшчу +10EUR, у ЗША +20EUR.

У капліцы за ахвяраванне можна атрымаць флээшку са спевамі і нотамі за ахвяраванне ад 60 злотых (гатоўкай або праз анлайн-ахвяраванні)!

Нагадваем, што https://drive.google.com/drive/folders/1G4gmR-VBgQArErrN1mwHXdOWND4F1ABX?usp=share_link можна спампаваць і ноты, і спевы бясплатна!
А ўвесь альбом дасяжны на ўсех папулярных стрымінгавых платформах (Spotify, AppleMusic, Youtube etc). 🔎 «Праваслаўны Вялікдзень»

💛 Працягваем збор на наступныя праекты:
🇵🇱 https://zrzutka.pl/8rutr6 (для тых, хто ў Польшчы)
☕ https://buymeacoffee.com/prawaslaunajawarszawa

Хрыстос уваскрос, і радуюцца анёлы, парадуемся разам!!!

👉 Сябры, вось расклад набажэнстваў у варшаўскіх праваслаўных цэрквах у Велікоднае Трохдзённе (11–12–13 красавіка).

🎼 А мы нагадваем, што велікодны альбом царкоўных спеваў, які мы запісалі для вас, выйшаў на ўсіх папулярных стрымінгавых платформах (і можна прыдбаць флэшку/паштоўку за ахвяраванне). Таксама ён маецца ў адкрытым доступе на https://www.youtube.com/playlist?list=OLAK5uy_l6sL3e3aWzTIqCCu7zyQJLSxwAGVI0ECQ і на https://drive.google.com/drive/u/1/folders/1G4gmR-VBgQArErrN1mwHXdOWND4F1ABX.

У нас працягваецца збор на нашы новыя праекты:
🇵🇱 https://zrzutka.pl/8rutr6 (для тых, хто ў Польшчы)
☕️ https://buymeacoffee.com/prawaslaunajawarszawa

Шаноўныя сябры, мы ўжо перажылі Вялікі пост і ўступілі ў прастору Тыдня Пакут!

Таму жадаем усім мірнага малітоўнага тыдня 🙏

🗓 А таксама дзелімся раскладам польскамоўных (найбліжэйшых) і беларускамоўных (на два месяцы) набажэнстваў.

👉 Службы на гэтым тыдні адбываюцца на польскай мове:

► 6 красавіка, панядзелак, 18:00 — ютрань (1 гадз. 10 хв.)
Споведзь падчас набажэнства, прасіць святара, калі сам не выйдзе.
► 7 красавіка, аўторак, 18:00 — ютрань (1 гадз. 10 хв.)
Споведзь падчас набажэнства, прасіць святара, калі сам не выйдзе.
► 8 красавіка, серада, 18:00 — ютрань (1 гадз. 10 хв.)
Споведзь падчас набажэнства, прасіць святара, калі сам не выйдзе.

► 9 красавіка, Вялікі чацвер, 18:00 — ютрань Вялікай пятніцы з чытаннем 12 евангельскіх урыўкаў (2 гадз.). Споведзі няма.
► 10 красавіка, Вялікая пятніца, 16:00 — вячэрня з вынасам Плашчаніцы, ютрань з чынам пахавання (3 гадз.). Споведзь падчас псалмоў пасля вынасу Плашчаніцы, прасіць святара, калі сам не выйдзе.
► 11 красавіка, Вялікая субота, 9:00 — Літургія Вялікай суботы, асвячэнне страваў (2 гадз.). Споведзь падчас чытання са Старога Запавета на Літургіі, прасіць святара, калі сам не выйдзе.

🕯11/12 красавіка, Пасхальная ноч, 23:30 — Паўночніца, Ютрань і Літургія Пасхі. Пасля Літургіі — асвячэнне страваў. Супольны сняданак (3 гадз.). Падчас пасхальнага набажэнства споведзі няма.
🎼 Падчас Велікоднай ютрані і Літургіі частку спеваў будзе спяваць наш беларускі хор.
Да супольнага сняданка запрашаюцца ўсе. Калі ёсць магчымасць, калі ласка, прыносьце нешта да стала 🍇🥐🥧☕️

🕊 13 красавіка, панядзелак Пасхі, 9:00 — Літургія (1 гадз.)

✝️ 🌱 🕊 Сёння ў заходніх хрысціян працягваецца Пасхальнае Трохдзённе (Triduum Pashale) пакут і Ўваскрэсення Госпада нашага Ісуса Хрыста.

Мы віншуем нашых братоў і сясцёр з гэтай Падзеяй і хочам падарыць ім і ўсім беларусам падарунак 🎁 🫶

🎼 https://drive.google.com/drive/u/1/folders/1G4gmR-VBgQArErrN1mwHXdOWND4F1ABX бясплатны доступ да усіх велікодных спеваў усходняй традыцыі, якія мы нядаўна запісалі.

“Уваскрэсні, Госпадзе, судзі зямлю, бо ты ўспадкуеш усе народы”, – так гаворыцца ў пракімне Пакутнай Пятніцы ў праваслаўных літургічных тэкстах. Мы прыносім Госпаду вынікі нашай працы ад беларускага народа – усю праваслаўную велікодную службу па-беларуску (спевы і ноты), чаго да нас ніхто не рабіў (прынамсці, не апублічыў).

👉 Таксама нашыя велікодныя спевы будуць дасяжныя на стрымінгавых платформах ад 7 красавіка (шукаць як Беларускі хор капліцы св. Рыгора Перадзэ або Belarusian Choir of st. Grzegorz Peradze Chapel).

🖥 А яшчэ ў нас з’явіўся адмысловы https://prawaslaunajawarszawa.org/ спеўнага праекта, наведваць які таксама сардэчна запрашаем!

💸 Развіццё нашых праваслаўных спеваў можна падтрымаць на платформах https://zrzutka.pl/8rutr6 і https://buymeacoffee.com/prawaslaunajawarszawa.

Хрыстос Уваскрос, заходнічкі!

🙏 А мы пайшлі сустракаць суботу святога Лазара і рыхтаваць вербачкі.

На застаўнай выяве: Шартрскі сабор XII–XIII ст.

❗️Сябры, просім малітваў, каб да Вялікадня (пажадана яшчэ "каталіцкага") выйшаў на стрымінгавых платформах!

Альбом ужо пайшоў па другім пекле коле мадэрацыі. Яго назва на вокладцы была лацінскім і кірылічным шрыфтам, чаго не зразумелі мадэратары (палічылі беларускую лацінку лаянкай!).

🙏 Маліцеся, каб мадэратары, дапіўшы свой капучына на міндальным, тыцнулі на гузік "ухваліць" раней за 5-е красавіка!

Дарагія сёстры і браты, сёння мы святкуем пачатак нашага збаўлення - Дабравесце Дзевы Марыі.

Сардэчна віншуем вас з гэтым святам і ўслаўляем Багародзіцу, праз якую чалавецтва далучылася да таямніцы Богаўцелаўлення. Дзякуем Богу за гэтую ласку!

Таксама віншуем з Днём Волі і зычым плённай працы, каб Беларусь "зацвіла, як сонца пасля непагоды, у роўнай волі, ў роўным стане між усіх народаў".

Малюнак Якуба Сабчака.