Слухай па-беларуску

Разбітае Сэрца Пацана — гурт з Мінска (Менску), заснаваны ў пачатку 2000-ых Паўлам Гарадніцкім і Дзянісам Тарасенка. Гэта адзін з знакавых незалежных калектываў Беларусі, чыя музыка стала голасам вуліц і маніфестам пакалення. Гурт змяшаў у сваім гучанні панк, постпанк, прапусціўшы іх праз прызму шчырасці, сацыяльнай вастрыні і беларускага рамантызму.

За гады існавання РСП заваявалі культавы статус, застаючыся незалежнымі ад мэйнстрыму, але збіраючы поўныя залі па ўсёй Беларусі і за яе межамі. Іх тэксты – гэта споведзь чалавека, які вырас у рэаліях постсавецкай прасторы, дзе каханне і боль, пратэст і смех сплятаюцца ў адну мелодыю

Гурт вылучаецца тым, што піша і выконвае свае песні на трасянцы. У асноўным, гурт раскрывае ў сваіх песнях тэму непадзеленага кахання, між тым перамяжоўваючыся жартоўнымі момантамі з жыцця мясцовага вясковага «пацана».

Spotify: https://open.spotify.com/artist/6erYHFwUsutU8968XYA5gC?si=8J2P3ubeSZe3je82yo7Uuw

Vuraj — музычны гурт з Менску, які эсперыментуе з беларускім фальклёрам. Выконваюць песьны ў жанры фольк-рок, псіхадэлічны фольк.

Гурт быў заснаваны ў 2010 годзе. «VuRaj» плённа экспэрымэнтуе з музычнымі афарбоўкамі. Відавочная фольк-рокавая, ды й уласна рокавая, накіраванасьць некаторых твораў перамяжоўваецца з даволі акадэмічным нэаклясычным гучаньнем. «VuRaj» практыкуе й непрыхаваны нэафольк побач з джазавымі гукамі ды рысамі псыхадэлікі. Кожная кампазыцыя, хаця і абапіраецца карэньнямі на аўтэнтычны сьпеўны матэрыял таго ці іншага рэгіёну Беларусі, зьяўляецца цалкам самастойным творам.

У 2016 гурт быў адзначаны прэміяй «Героі году» ад парталу Тузін Гітоў з фармулёўкай «за музычную актыўнасьць».

Spotify: https://open.spotify.com/artist/00eALMjKZJVpgFtHZPJZBk?si=2nqnP7dySMmfBZ263rCTmQ

Феномен успрымання музыкі

Чаму нас прабірае да мурашак?

У нейрахіміі гэта называецца фрысан — рэакцыя, часта званая "музычным агразмам", калі нас, як раз, прабірае да мурашак. Гэта адбываецца за 1-2 сякунды да кульмінацыі. Мозг прадказвае, што зараз здарыцца нешта прыемнае (знаёмы прыпеў або мадуляцыя ў іншую танальнасць). У адказ на чаканне ўзнагароды прылеглае ядро і паласатае цела выкідваюць дофаміна.

У чым адрозненьне ад ежы або сэкса?

Ад іх задавальненьне прыходзіць у момант атрыманьня, калі ад музыкі гэты пік надыходзіць у момант чаканьня піка гука. Менавіта таму музычныя развязаньні тыпу sus4 -> мажор здаюцца нам такімі прыемнымі.

Пра якія яшчэ цікавыя моманты ў музыцы вы ведаеце самі або хацелі б даведацца?

#музтэорыя

Palina — беларуская сьпявачка. Яна выконвае аўтарскія песьні на розных мовах: на беларускай, расейскай, украінскай, а таксама на французскай. Нарадзілася яна ў Мінске (Менску).

Пачала пісаць музыку Паліна ў 14 гадоў, зараз ей 32. Выконвае песьні ў жанры поп і аўтарская песьня.

Spotify: https://open.spotify.com/artist/1oC7o9I1XJDFPLIiTjtDdy?si=9ybkKyGrSoORr3elxXddpg

« https://t.me/kavalachak» — канал, які падкажа, што паглядзець увечары. Агляды навінак кіно і серыялаў на роднай мове.

Таксама аўтар запусціла аднайменны https://www.tiktok.com/@kavalachak.zyccia?_t=8q6bjAJFdD8&_r=1. Падпісвайцеся, каб ведаць, што зараз глядзець на стрымінгах і ў кінатэатрах.

Termin X — беларускі альтэрнатыўны рок-гурт з Мінска.

Заснаваны быў у 2005 годзе Кірылам Домнічам і Змітром Копацем. Першым запісам гурта стала песьня "Згубіцца".

На жаль, з 2011 года калектыў спыніў сваё існаванне.

Spotify: https://open.spotify.com/artist/7zR80R85GAEZ9zhyeJadbq?si=VW_bP8gER0W3ZHRXxgUjfg

Daredevil #1 (2026) - агляд комікса

У Мэта Мердака новы статус - раней ён быў пастарам, цяпер выкладае ва універсітэце. Але гэта днём. Па начах ён па-ранейшаму палюе на дробных злачынцаў у межах Пякельнай кухні.

Галоўная інтрыга серыі - новы вораг Омен. Ён неяк звязаны з будучыняй Мэта Мердака, а не з гуртом Prodigy. Омен прыйшоў папярэдзіць юрыста, што яго чакае смерць. Відаць, не ад старасці, хоць пра яе Мэт ужо пачаў сур'ёзна задумвацца (актуальная тэма для пасталелага чытача коміксаў).

Мая версія: Омэн - гэта Мэт Мердак з будучыні. Ён мае падобнае адзенне і маску, ведае, дзе жыве Мэт, стараецца схаваць свой голас, каб не пазналі, і прадбачыць кожны рух Дэрдэвіла. Але пабачым у наступных выпусках.

За апошнія некалькі гадоў інтарэс да Дэрдэвіла знізіўся, але папулярнасць серыяла на disney+ рэанімуе персанаж у коміксах. За справу ўзялася сцэнарыстка Стэфані Філіпс, вядомая ў фанатскіх шэрагах тым, што яе серыі звычайна заканчваюцца на 15 выпуску. І гэта настарожвае...

#1 выйшаў 1 красавіка.

Асфіксія — музычны гурт з Віцебску, які выконвае музыку ў жанры рок/панк. Саліст пра свой гурт казаў так:

увогуле ўся ідэя гурта першапачаткова - гэта зрабіць клёвую музыку на роднай мове. я люблю беларускую і гд, але мне не падабаецца музыка на ёй🤷‍♂️

таму я вырашыў, што калі ніхто не можа зрабіць за мяне класнае музло - я зраблю яго сам, і, магчыма, хтосці натхніцца, і пасля з’явіцца больш добрай музыцы на беларускай мове. і не толькі музыцы.

гэта ў цэлым проста мой спосаб прасоўвання і распаўсюджвання неверагодна прыгожай мовы і культуры ў масы. вось так.

Гурт дае канцэрты, апошні быў у Віцебску 28 сакавіка. На травень таксама запланаваны канцэрты ў Мінску і ў Віцебску.

Spotify: https://open.spotify.com/artist/1bqkobTSYsj3gifYqCqdDj?si=-UJnfMU6SY2HiOFsn_YMeA
Inst: https://www.instagram.com/asfiksiya_band/
Tg: https://t.me/asfiksiya_band