Skaryna Press

Фэстываль “Прадмова” абвясьціў чатыры гарады, дзе пройдуць імпрэзы гэтага самага вялікага (і самага нашага любімага) фэстывалю беларускай кнігі:

- Уроцлаў – 2-4 кастрычніка
- Вільня – 16-18 кастрычніка
- Прага – 30 кастрычніка - 1 лістапада
- Варшава – 13-15 лістапада

Праграма будзе крыху пазьней.

Чаго й каго там толькі не сустрэнеш! Амаль усе імпрэзы бясплатныя, ад раніцы да вечара. Калі можаце вандраваць на кантынэнт, то абавязкова выбірайцеся.

🔴 «Must have для ўсіх, хто цікавіцца карцінай міжваеннай беларускай прысутнасці ў Вільні». Ціхан Чарнякевіч пра мемуары Галіны Войцік

Запачаткаваная нядаўна «Віленская сэрыя» выдавецтва «Skaryna Press» абяцае ў хуткім часе тамы тэкстаў Францішка Умястоўскага, Макара Краўцова, Уладзіслава Паўлюкоўскага, Янкі Багдановіча і Алены Цэпрынскай. Першаю ж кнігай сталіся мемуары Галіны Войцік «Там, дзе мяне няма». Усім, хто цікавіцца стракатай карцінай міжваеннай беларускай прысутнасці ў Вільні, гэтая кніга — безумоўны must have.

Самыя тэксты гэтай кнігі пачалі друкавацца ў 2000 годзе ў віленскай беларускай газеце «Рунь», якая ў пэўным сэнсе заняла месца рэлакаванай у Менск «Нашай Нівы», пры тым пад рэдактарствам былога «нашаніўца» Алега Мінкіна. Часткі ўспамінаў працягвалі выходзіць нават і пасля смерці аўтаркі ў 2007 годзе і закончыліся друкам у 2008-м.

З тых часоў гэты мемуарны пласт быў даступны досыць вузкаму колу аматараў і ўладальнікаў падшывак «Руні».

Між тым, ракурс, дадзены Галінай Войцік, нядрэнна дапаўняе апісанне беларусаў у міжваеннай і паваеннай Вільні, і каштоўны поглядам чалавека, якая ведала ўсё тое, што апісвалася ў мемуарах саміх дзейных асобаў старога пакалення віленчукоў, аднак жа пражывала пры гэтым сваё ўласнае жыццё чалавека новага пакалення (таго, пра які «старыя» так шмат думалі і марылі), якое збольшага для народжанай у 1927 г. адбывалася менавіта ў пасляваенны час.

Працяг https://budzma.org/news/miemuary-haliny-voicik-recenzija.html. 🖥 https://d2ay7toh3rrbbs.cloudfront.net/news/miemuary-haliny-voicik-recenzija.html адкрыецца без VPN.

Маеце рукапіс? Дашліце на конкурс “Шуфлядка”!

Падрабязнасьці ў https://www.facebook.com/permalink.php?story_fbid=pfbid02YSJjs1JgbnJuxEEjA5YRjVNQY3w1vqBNyKqKgLtBKrtF82VNE1a87Wzm3yaJpEKtl&id=61591920177093 і https://www.instagram.com/p/Dau6-Y7MhJD/?fbclid=IwY2xjawTVbJVleHRuA2FlbQIxMQBicmlkETFpT2xIWlhJVndCQkhYN1ZQc3J0YwZhcHBfaWQBMAABHtOYTz2VxaMraterrcoR6JUJ21qUc1nNXBgcWaIxW18xkNkV6twEBHlW7clD_aem_f3r_W0z0S3ulzq87bASxKA

Конкурс праводзіцца Фэстывалем інтэлектуальнай кнігі “Pradmova”.

Ганна Янкута, аўтарка і перакладніца, пра зборнік Ларысы Геніюш “Spiritus flat ubi vult: Вершы 1945-1947”, што сёлета выйшаў у нашым выдавецтве:

“Кніга шыкоўна падрыхтаваная і цудоўна выдадзеная! І я ў захапленні ад прадмовы, мне здаецца, гэта ці не першы раз так уздымаецца пытанне пра калабарацыю ў такім кантэксце, якое вельмі важнае для стварэння нашага, "пра-беларускага" погляду на сваю ж літаратуру.”

📚 Шукайце зборнік у вашых любімых кнігарнях.

Сябры, нагадайка 🔔

Ужо сёньня адбудзецца сустрэча з дасьледчыцай беларускага дысідэнцтва і доктаркай гістарычных навук Тацьцянай Астроўскай.

Далучайцеся да https://us02web.zoom.us/j/85698111751?pwd=UzEm6gFJvllnvMka8hBLaH1CZmbHx9.1

20.00 Менск/ 13.00 Нью-Ёрк

Адразу тры кнігі Skaryna Press пра 2020 г. увайшлі ў поўны сьпіс прэтэндэнтаў на Прэмію імя Алеся Адамовіча.

• Кніга апавяданьняў „ https://skarynapress.com/kniharnia/9781915601728/“ Вольгі Касцюк — вытанчаная і рашучая рэфлексія на пратэсты 2020-га, на вайну 2022-га і на расейскую калянізацыю.
• Зборнік „ https://skarynapress.com/kniharnia/9781915601544/“ складаецца з 25-ці эсэ студэнтаў, якія ўдзельнічалі ў пратэстах, былі іх сьведкамі і пацярпелымі. Кніга выйшла таксама на ангельскай мове. Абодва варыянты можна спампаваць задарма з сайту выдавецтва.
• Зборнік інтэрв’ю „Беларускія галасы з Познані“, якія зрабіў журналіст Павел Залескі. Наклад гэтае кнігі ўжо прададзены, але яна ёсьць на https://skarynapress.com/knihi/amazon/ і ў некаторых іншых кнігарнях у розных краінах сьвету.

Наш топ першага паўгодзьдзя 2026 🏋️‍♀️

Самымі папулярнымі кнігамі нашага выдавецтва былі:

1. Hanna Komar. When I Am Out of Here: Staying Human in a Dictator’s Jail
2. Галіна Войцік. Там, дзе мяне няма (Віленская сэрыя)
3. Ларыса Геніюш. Spiritus flat ubi vult. Вершы 1945-1947
4. Жан-Поль Сартр. Экзыстэнцыялізм — гэта гуманізм (Сэрыя эсэ)
5. На пухнатых лапках. Анталогія нерыфмаванай паэзіі

Гэты рэйтынг — пра самыя прадаваныя кнігі. Сёлета мы выдалі таксама крыху нішавыя, менш прадаваныя, але важныя і цікавыя кнігі:

“(Не) выкрасленыя: Беларускі тэатр 2015–2025” Настасьсі Панкратавай і “Плэйбокс Пандоры” нямецкай паэткі Анны Мендлік.

А ў другім паўгодзьдзі пабачаць сьвет кнігі Оскара Ўальда, Сымоны дэ Бавуар, Зьмітра Вішнёва і… Цёткі (да 150-годзьдзя… мы таксама думалі, што ўсё пра яе ведалі, пакуль не ўзяліся перачытаць яе). — Сьпіс няпоўны 🙃

А ў Аўстраліі — зіма! Шчасьлівыя людзі…

Самы час зьбегаць па кніжкі ім!

Толькі ж не дасылайце іх сябрам туды! — Нашыя кнігі набыць там лёгка і нядорага:

🦘 https://www.amazon.com.au/hz/wishlist/ls/MRGQPNJ4Q9P0
🦘 https://www.booktopia.com.au/view-shared-wishlist.ep?customer=2154092401&wishlist=2145684332 (кнігарня мучаецца з кірыліцай на сваім сайце, але вы лёгка пазнаеце нашыя кнігі па вокладках)

Хто тыя два персанажы, якія не пілі ў міжваеннай Вільні, як Зоську Верас абудзілі ад летаргіі і ці праўдзівая байка пра Караткевіча і рэстаран

У кнізе Галіны Войцік «Там, дзе мяне няма» шмат цікавых дэталяў пра Вільню і беларусаў, якія жылі там у 1930—1990‑х гадах.

https://nashaniva.com/398067

Без VPN — https://storage.googleapis.com/nashaniva-by/read.html?page=/398067

«Ангельскі беларус» Арнольд Макмілін адзначае 85-годдзе

Рыгор Барадулін называў яго «ангельскім беларусам», Янка Запруднік — амбасадарам беларушчыны ў англамоўным свеце.

Да юбілею згадваем чатыры важныя факты пра чалавека, які зрабіў для беларускай літаратуры і культуры больш, чым многія яе носьбіты.

З дапамогай архіваў і ўспамінаў сабралі гісторыю навукоўцы, які ўжо некалькі дзесяцігоддзяў застаецца адным з галоўных сяброў Беларусі.

https://novychas.online/asoba/anhelski-belarus-4-fakty-pra-arnolda-makmilina

https://d16qdjybyala21.cloudfront.net/asoba/anhelski-belarus-4-fakty-pra-arnolda-makmilina

Арнольду Макміліну — аднаму з галоўных слупоў англамоўнага беларусазнаўства ў ХХ-XXI стаг. — сёньня споўнілася 85 гадоў.

Арнольд — вельмі дарагі сябра, які падтрымлівае і заахвочвае нас усе гады існаваньня Skaryna Press. Ён быў сярод першых, каму мы пахваліліся першай кнігай — “Бэйруцкімі апавяданьнямі” Агатангела Крымскага. А ён прысьвяціў апошнюю на гэты момант сваю рэцэнзію нашай анталёгіі гей-пісьменства.

Сёлета ў зборніку Ларысы Геніюш Spiritus flat ubi vult мы апублікавалі тэкст А. Макміліна, у якім ён у 1992 г. прадставіў англамоўнай аўдыторыі беларускую паэтку і ейны праскі самвыдаў, што захоўваецца цяпер у Лёндане. Мы пераклалі тэкст на беларускую мову — як і 30 гадоў таму, ён і сёньня застаецца інфарматыўным і дасьціпным.

На здымках: З жонкай А. Макміліна Сьвятланай (якая цяпер працуе над кнігай пра Васіля Быкава) рэдактары Т. Астроўская і І. Іваноў сьвяткавалі ейную прафэсарскую ступень, 2025 г. Сьвятлана і Арнольд Макмілін з рэдактарам У. Гарбацкім, 2023 г.

Кніга Вольгі Барышнікавай у кароткім сьпісе Прэміі Багушэвіча

Арганізатары прэміі імя Францішка Багушэвіча https://penbelarus.org/2026/06/09/abveshchany-karotki-spis-premii-imya-franczishka-bagushevicha-2025-goda.html кароткі спіс за 2025 год. У фінальны адбор увайшлі сем твораў – кнігі, падкасты і аўтарскія медыяпраекты, што даследуюць беларускую памяць, мову, гісторыю і сучасны досвед праз літаратуру, рэпартаж, фальклор і візуальнае апавяданне.

🎉 Сярод іх — https://skarynapress.com/kniharnia/9781915601520/ Вольгі Барышнікавай пра музычную культуру беларускіх старавераў. Віншуем дарагую аўтарку.

📚 У продажы ў нашае https://skarynapress.com/kniharnia/9781915601520/, у https://knihauka.com/pl/p/І-даўней-так-пелі-музычны-фальклор-старавераў-паўночна-заходняй-Беларусі-Вольга-Барышнікава/408 і ў https://gutenbergpublisher.eu/shop/barysnikava/.

Здымкі Вольгі Барышнікавай